Laerskool Phalaborwa beskik oor `n naskoolsentrum wat op die terrein geleë is. Die sentrum bied `n veilige omgewing, waar leerlinge vanaf Borrels (2-3jr.) tot graad 7, die middag geakkommodeer kan word, hul huiswerk kan voltooi of leer.
Bestuur:
Die naskoolsentrum staan onder die bestuur van Mev. Marietjie van Heerden: 071 676 4513 wat dit organiseer. Die naskool word bestuur met die oogmerk op dienslewering en is nie op winsbejag ingestel nie.
Doel:
Die doel van die naskool is om aan die werkende ouer gemoedsrus te gee, rakende hul kinders se veiligheid, versorging, huiswerk en buitemuurse aktiwiteite. Buitemuurse aktiwiteite vind op die skoolterrein plaas en is maklik en veilig bereikbaar deur leerlinge.
Toesig:
Daar word van gekwalifiseerde onderwyspersoneel gebruik gemaak. Personeel help met toesig, huiswerk en algemene welstand van die leerlinge. Eksamentye word professioneel benader en daar word toegesien dat leerlinge studeer.
Groepe:
Leerders word in verskillende groepe en klaslokale geakkommodeer.
- Graad RRR & RR word op hul eie terrein en klaslokale geakkommodeer. Terreinhekke word deurentyd gesluit.
- Graad R word op hul eie terrein geakkommodeer en besig gehou.
- Graad 1 - tans een groep, wat in verskillende klasse geakkommodeer word.
- Graad 2 - groep met graad 2- opvoeders wat hulle help.
- Graad 3 - met graad 3 - opvoeders wat toesig hou.
- Graad 4 - 5 - word in een lokaal geakkommodeer
- Graad 6 - 7 word in een lokaal geakkommodeer, aangesien hulle groepie klein is. Opgeleide personeel hou hier toesig.
Tye:
- 'n Maaltyd/ete word vanaf 12:00 tot 13:45 voorsien.
- Naskoolklasse begin stiptelik om 14:00.
- Naskooltye : 14:00 - 17:00.
Kostes:
- R550,00 per leerder per maand oor 11 maande. Fooie is vooruit betaalbaar.
- Dagbesoekers is welkom en betaal R 50.00 per dag.
- Kostes vir vakansietye beloop ook R 50.00 per kind per dag.
- Gedurende vakansies: Die naskoolsentrum is beskikbaar, behalwe gedurende Desember (slegs gedeeltelik).